بما إن دا أول “بلوج” على موقعي وكدا ، فقررت اني هتكلم  عن حاجة من اكتر الحاجات المفضلة ليا، و المهدور حقها عموما وهي -زي ما واضح فالعنوان- الشاي بالنعناع .

مبدأيا ، أول سؤال ممكن يخطر على بالك ممكن يكون اشمعنى ؟ اشمعنى الشاي بالنعناع؟ وهنا أحب أقول إن الإجابة بسيطة جدا ، وبتكمن فحاجة من حاجاتي المفضلة ألا وهي التوازن ، أنا كجومانا بشوف إن التوازن فالحياة عموما مهم ،غلط إني ادي حاجة أكتر أو أقل من قدرها المستحق ، ده بينطبق على حاجات كتير أبسطها وأوضحها الاعتدال في إنفاق حاجه زي الفلوس مثلا ،  بس اللي أقصده هنا أكتر الأمور الحياتية عموما ، كل حد فينا عنده حاجات بيديها أقل/أكتر من حجمها -و غالبا عارف كده- ومحتاج يوازنها، ايه علاقة كل دا بالشاي بالنعناع؟ سهلة ، هو بيمثل المشروب الدافئ، المنبه (اه بتكلم عالكافيين)، اللي طعمه حلو اوي!(shout out للنعناع هنا :) ) وهنا فهو مش حاجه منبِهَه أوي طعمها مر زي القهوة ،  ولا حاجة طعمها حلو اوي بس هتنيمني زي الكركديه فهو بيمثل التوازن المثالي بالنسبالي فأغلب الحالات (رفيق المراكمة ).